Shathamane

Shathamane - ke thaba ya mo sekhutlong sa Hunotwane ge o lebile Mohloding / Mamatjekele.

Hunotwane

Hunotwane - ke thaba ya mo tlase ga hunoto.

Hunoto

Hunoto - ke thaba ye kgolo ka moshwa noka ya Ngwaritsi yeo go kwalago gore ebile sebo sa ba Masemola nako ye telele. Marope a bogologolo a sa bonala le nankhono. Thaba yeo ya hunoto e na le mafelo a bohlokwa a bohwa bjalo ka Lwala la Kgoši, Lewa la Kgoši, Bohlapatšhwene le a mangwe. Gona moo gona le dibo, mabitla le merako. https://maps.app.goo.gl/qPjxBRsApKGyLsJh7

Hlahwane

Hlahwane— Thabana ya kgaufsi le sediba sa Matikiring ka gare ga motse wa Pshiring

Gojwelane

Gojwelane - ke thabana ye nyane mo kgaufsi le gojwele ka bosobela tjatji bja motse.

Gojwele

Gojwele - ke thaba ye kgolo mo kgaufsi le Gojwelane yeo e tsebalegago ka go ba marope a ba Nkogatse a bogologolo.

Ga-Tisana

Ga-Tisana - ke lefelo la ka mo sefateng sa Makobe mo go na go le marope a ba Mampana bao lehono ba agilego Kantane. Bona gothwe ke seripa sa ba Tisana bao ba ilego ba huduga ba aga Maramaga gomme ka morago ga nako ye telele ba bowa ba tla ba hwetsa ba bangwe bao ba dutsego ka shebeshebe le ba Masemola.

Ga-Rakobana

Ga-Rakobana - ke seripa sa mafelelo sa motse wa Masemola ge o feta ga-Senong o lebile ka kgorwane. Mo go tsebja kudu ka go ba serotha sa ba Nkogatse. Ge o tsitsinkela gabotse o tla lemoga gore gona le leshope le ge go sa tsebje gore ke masaka a ba fe.

Ga-Ramushu

Ga-Ramushu

Ga-Ramushu

Ga-Ramushu

Ga- Poto

Ga- Poto

Ga–Nkogatse

Ga–Nkogatse

Ga-Moshidi

Ga-Moshidi

Ga-Moruthane

Ga-Moruthane

Ga-Matsimela

Ga-Matsimela

Ga-Matlawa

Ga-Matlawa

Ga-Mateme

Ga-Mateme- Ke tikologo ya ga Masemola ka bosobelatsatsi bja thaba ya Pshiring mo go agilego ba Maleka ka bontshi. Go kwala gore karolo ye ya motse e reilwe leina la kgoshi ya ba Maleka elego Teme a Mabale

Ga-Maphutha

Ga-Maphutha

Fodifodi

Fodifodi - Segotlo sa lefsifsi ka godimo ga thaba ya Pshiring mo Batau ba masemola ba bego ba fihla bana le basadi ka dinako tsa dintwa. Lewa le le bitswa fodifodi ka ge ba be ba lokologanya bana le basadi ka go ba fodisa go fihlela ba felela ka gare ga mphoma wo

Dithabaneng

Dithabaneng

Dirorojweng

Dirorobjeng ke lefelo la bohwa ka borwa bohlabela bja letamo la Piet Gous Dam / Mankgabane. Felo mo ke mohlakeng mo mehleng ya kgale go bego go bolokwa batho bao ba hlokofetšego ka kotse ya legadima. Mohlaka wa dirorobjeng o dikaneditšwe ke lešhwaana la mehlaoka le meoka gomme ka gare ke setebetebe sa leraga, meetse le mabitlahttps://maps.app.goo.gl/bigGiVaufnTbWfpSA

Dikatianeng

Dikatianeng —  ke pompi ya bogologolo ya meetse yeo e le mo mašemong magareng ga Thabampše, Phiring le Makataneng.

Dikapitsi

Dikapitsi

Boditswe

Boditswe — Thabana ya ka gare ga motse mo karolong ya Mabopane

Bohlapatšhwene

Bohlapatšhwene— Leswika le legolo la go ema meetse mo tlase ga thaba ya Hunoto. Ditšwene di tsogela mo mesong di hlapa maahlo le go ronana dinta.

 

Bapeding

*Bapeding— Motse wa ka gare ga dithaba ka bohlabatšatši bja Masemola mo go tsebjago ka leina la Molebeledi. 

 

Bohlapatšhwene

*Bohlapatšhwene— Leswika le legolo la go ema meetse mo tlase ga thaba ya Hunoto. Ditšwene di tsogela mo mesong di hlapa maahlo le go ronana dinta. https://maps.app.goo.gl/1h6QuiSURt2Z4owQA

 

Lehlaokeng

Lehlaokeng - ke mothopo wa meetse a letswai mo tlase ga motse wa Thabampshe. Mothopo wo o dikanyeditswe ke meshwana ya mohuta wa lehlaoka

Lehwaneng

Lehwaneng - ke setebetebe sa dithabana le mashemo magareng ga Moshikwe le sediba sa Sehlale. Go kwala gore felo fa go ile gwa aga seripa se sengwe sa ba Mokalapa le ba Ranape mohlang wola go sa gatwa tala e bola.

Lekurung

Lekurung

Leokokong

Leokokong - ke mothopo wa meetse a letswai wo o menogago ga lebenkele la Matlejoane. Lona le elela goya Maripana goya nokeng ya Ngwaritsi

Leope la kgoshi

Leope la Kgoshi - ke leope le legolo leo le tswelelago dithabeng tsa Mashehle gomme la tshela meetse ka letamong la mankgabane.

Leopelehwibidu

Leopelehwibidu - ke leope le legolo la gare ga Magale le Thabampshe leo le phatsago temong le lebile Thabanasedibana.

Lepelle

Lepelle - ke noka ye kgolo yeo a kgabaganyago motse wa Masemola e tswelela Mpumalanga. Mo pshiring e kopana le motseleope mo Makgoabe, ya kopana le Nkumpi mo Malope, ya kopana le Ngwaritsi mo kgahlanong, gomme ya busha ya kopana le Ngwaritsana mo Kgwaripe. Lepelle e tshelela noka ya Limpopo meetse kua leshokeng la diphoofolo la Kruger National Park.

Leushu

Leushu - ke mohlaka le thaba ya kgaufsi le Makataneng ka bohlabatsatsi bja motse. Felo fa ke Marope a ba Sefoka le ba Moshidi.

Lewalemolomo

Lewalemolomo - ke leswika le legolo la mphoma leo le hwetsagalago motseng wa Mohloding. Lewa le ke lelengwe la mafelo a bohwa a mo ga-Masemola. Go kwala gore mo go dutse ditshaba tse dintshi ka go shutelelana. Bao ba gopolwago ke setshaba sa gotswa Zaire bao ditaba tsa bona di sa hlakego gabotse. Ba bangwe ke ba Tisana, mola ba bangwe e le babina kgomo bao ba rilego ge ba huduga gwa shala makaragana ao lehono ba ipitsago ba Seashala. Ba bangwe bao ba gopolwago ke babina phiri ba ga Puana bao go thwego ke leloko le babina kgomo go tloga ga Matlala. Se sengwe seo se gopolwago ka lewalemolomo ke gore go bolailwe Poo'a Teme, moetapele wa ba Maleka.

Mabushule

Mabushule - ke leope le legolo leo le tswelelago ka borwa-bohlabatsatsi bja motse wa Thabampshe leo le elelago meetse a go tswa dithabeng go kgabaganya motse.

Madiane

Madiane - ke marope a mo kgaufsi le Mohloding mo e bego e le meraka kgale.

Maditamane

Maditamane - ke thabana ya magareng ga motse wa Pitjaneng le Maraganeng. Thabana ye e dikanyeditjwe ke merako gomme go kwala gore ekile ya ba moshate wa Bakone ba Matlala ka ngwaga wa mpo le tshikidi.

Magale

Magale ke leope le legolo leo le theogago dithabeng tsa Makataneng le kgabaganya temong. Leope le o le tshela ge o eya Thabampshe

Mahlakole

Mahlakole - ke karolo ya motse mo tikologong ya sekolo sa Motubatse. Mahlakole e kgaogana le ga-Maphutha le Penapena ka lebowa.

Mahlolaneng

Mahlolaneng - ke motse wa kgaufsi le thaba ya Malope le letamo le legolo la mankgabane. Bontshi bja badudi ba mo motseng wo ba hudugile maropeng a dithabaneng le kua kgaufsi ga thaba ya Malope.

Mahwibitswane

Mahwibitswane - ke karolo ya motse wa Masemola ka lebowa bosobela. Karolo ye ya motse e gare ga Sekale le Maroge.

Makgoabe

Makgoabe - ke motse wa go bushwa ga-Masemola wo o ikadilego go ipata le khwiti ya noka ya Lepelle. motse wo o gare Malope le Mphane

Makgophaneng

Makgophaneng - ke karolo ya motse wa Pshiring mo kgaufsi le maripana.

Malaung

Malaung - ke leina la thabana mo kgaufsi le Hunoto mo ba Masemola ba wetsago dikoma go tloga ka 1946 go fihla gabjale.

Malefo

Malefo - ke thabana ya go agelelwa ka morako wa maswika ka gare ga sethokgwa kgaufsi le Pitjaneng le Mahlolaneng. Mo thabeng ye ke marope a ba bina tlhantlhagane ba ga Matlala le ba ga Tisana. Thaba ye e lebane gape le thaba ya kgomangwato efela ga go kwale gabotse gore batau le bakone ba be ba dudishane bjang. Le gona go huduga ga babina tlhantlhagane ga go kwale gabotse gore ekaba ka ngwaga o fe.

Malehupe

Malehupe

Malehwe

Malehwe

Maleshwane

Maleshwane - ke thaba ye kgolo yeo e dikanyeditswego ke motse ka mahlakoring a mararo le noka ka borwa. Go kwala gore dikoma tse dintshi di wetse ka molapong wa thaba ye go fihla ka 1941. Mabitla a bao ba paletswego ke go aloga le mashaledi a diphiri tsa bogologolo di sa bonala gabotse. Ka borwa bja thaba ye ke letsibogo la noka ya ngwaritsi mo go thwego ke kgorwane.

Malope

Malope ke mmoto wa thaba ka bodikela tsatsi bja motse. Yona e tsebja ka la gore ke thaba-lekgwara ka ge e sena le maswika a magolo. Malope e ukametse motse wa Mahlolaneng ka bohlabatsatsi. Ka bosobelatsatsi bja yona ke motse wa go ikala kwiting ya noka ya Lepelle wo o bitjwago lona leina la Malope.

Matlakaneng

Matlakaneng - ke leina la sebo sa kgale sa ba Masemola ka godimo ga thaba ya hunoto. Felo fa bare e ile ya ba moshate nakong ya pele. Ge o tsitsinkela gabotse o tla bona marope a merako ya mafsika le lewa la go boifisha mo go bego go dula kgoshi. Lewa le le tsebja ka gore ke lewa la kgoshi / lewa la Nkwe. Go kwala gore mo go be go dula mohlape wa dinkwe gomme ba Masemola ba di bolaya kamoka gore mathebo a gona a fiwe mong mabu.

Mamatjekele

Mamatjekele - ke motsana wa kgakala wa ga Phaahla kgaufsi le Mohloding. Motse wo o thomile mo gare ga sethokgwa e le meraka eupsa mafelelong wa gola ge thari e le gare e oketsega.

Mamolomelele

Momolomelele - ke thaba yeo o e fetago ge o lebile motseng wa ga Matshatsha. Yona e lebeletse Mafatle mo ebego e le mashemo ge go sa lengwa.

Mankgabane

Mankgabane - ke letamo le legolo mo kgaufsi le Mahlolaneng leo le tshelelwago meetse ke noka ya ngwaritsi le leope la kgoshi.

Mantomole

Mantomole - ke thaba yeo e ukametsego ka ga Tisana ka bohlaba tsatsi.

Mapoteng

Mapoteng - ke patoga ya thaba ya Phiring mo go ilego gwa aga bontshi bja thaka tsa Kgoshi Tseke yo a bego a tsebja ka leina le sereto sa Sekgathume sa Mapota. Karolo ye ya thaba e kgaufsi le serapa sa mabitla.

Maraganeng

Maraganeng - ke motse wa kgaufsi le Pitjaneng le Mashwanyaneng go ipata le tsela ye kgolo ya goya Phokwane. Mo gona le leraga la seloko gomme ge pula e nele a go bonolo go sepela ka sefatanaga.

Makataneng

Makataneng - ke thaba ya totolo ka bohlaba tsatsi mo go dutsego makaragana a batho pele ga ge Batau ba fihla mo moshwa Lepelle ka bo 1400. Mo go tsebja gape ka leina la di kwero la *marotswaneng. Bontshi bja batho bao ba bego ba agile mo ke ba bina tlou ba Talana.

Mamalatji

Mamalatji - mogobe wa tlase ga thabana tsa Teme, kgaufsi le sekolo sa Molomoatau, tseleng ya go ya Molebeledi.

Lehwitiane

Lehwitiane - thabana ya mo maropeng a Tisana ge o putla ka tsela ya kgwaadi o lebile Mamatjekele / Mohloding. Mo kgaufsi le Lehwitiane gona le mabitla a ba Mampana.

Mashehle

Mashehle - ke thaba ye kgolo ya sethokgwa sa go boifisha ka borwa bja motse ge o feta Mohloding o lebile Pitjaneng. Melapong ya thaba ye gona le mehlaka le didiba. Ntlheng ya bogodimo bja yona go hlomilwe pakana mola morumo wa yona ka borwa e le letlapa la go bopega bjalo ka mosela

Modimokotong

Modimokotong - ke thaba ya ntsolotswana ya kgaufsi le Makataneng ka bohlabatsatsi. Thaba ye e bopegile bjalo ka Tswana le ntlhana, ebile di lebane. Mo kgaufsi le thaba go na le marope a ba Ranape

Moeding

Moeding - ke karolo ya Pshiring mo tlase ga mmoto wa Mapoteng, le mmoto wa Moraleng mo go kopanago meetse a dithaba.

Mogaladi

Mogaladi - ke naga ya ga Masemola, ka borwa bja motse kgaufsi le ga Mampana

Mogogodikeng

Mogogodikeng - ke letamo la gare ga mashemo ka lebowa la motse leo le fatilwego ka nepo ya go fa di ruiwa meetse

Mogwaba

Mogwaba - ke thaba ya kgaufsi le Makataneng le Modimokotong mo go lego mashemo a ba Talana, ba mokalapa le ba bangwe

Mohloding

Mohloding - ke noka / leope leo le tswalelago motseng wa Mamatjekele gomme le tshela meetse ka Ngwaritsi go lebana le motse wa Bapeding le sefata sa Makobe

x

re Sa fata

Y

Y - re Sa fata mantju

Z - Re sa fata

Z - re sa fata mantju

Molelema

Molelema - ke thaba ya kgaufsi le kereke ya mathomo ya Lutere, mo majakaneng. Go ipata le thaba ye ke mo moruti wa lekgowa Dr. Mars a filwego setsha gore a hlome kereke le go ruta Batau thuto ya bodumedi bja bodikela. Gona mo kgaufsi le thaba gona le mabitla le sekolo sa Khudu Tseka.

Moraka Nkwe

Moraka Nkwe - Ke patoga ya thaba ya Maleshwane go ukamela molapong wa kgwaadi. Leina le letlile morago ga gore nkwe e hlatse felo fa gomme e thome go jela badudi Moraleng dihuswane le manamane. Morago ga go lemoga gore mo gona le sebatana, banna ba ile tswa lesolo la go thuba morakana woo nkwe. Bona ba ile ba theya bana ba yona, le go e hlorisha go fihla e huduga.

Marapong

Marapong - ke maropeng a ba Masemola ka godimo ga thaba ya Hunoto, kgaufsi le Matlakaneng. Ge o putla mo molapong wo o gahlanyetswa ke leswika le legolo leo le nago le sediba seo se tlalago meetse selemo. Leswika le bare ke lwala la mmago kgoshi. Molapong wa goya ka bosobela ke mphato wa koma.

Mareseleng

Mareseleng

Maripana

Maripana - ke ka mokgorobaneng. Ye ke karolo ya motse mo malapa a ukametsego ka nokeng ya Ngwaritsi ge e thulamela ka Mankgabane. Maripana e gare ga machase, makgophaneng le leokokong.

Maroge

Maroge - ke karolo ya motse ka gare ga dithabana mo go nago le lesope la motaga. Ba re felo fa ke marope a ba Masemola a bo 1800. Ba ge ba tloga thabaneng ya mampholo ba a ga mo Maroge. Bona ge ba agile mo moetapele wa bona e be e le Tshebesebe gomme ba lwele dintwa le Bakone le Mapono ao a bolailwego ka bontshi Tswana le Ntlhana. Go tloga mo moshate o boetje mohloge.

Nape

Nape - ke thaba ye kgolo ka bohlaba tsatsi. Mo thabeng ye go wela koma ya Mokalapa.

Napetele

Napetelele - ke karolo ya thaba ya Nape ge e otlologela borwa. Tseleng ya go ya ka ngwaritsi mo Napetelele go na le sepheka mabje.

Ngwaritsi

Ngwaritsi - Ke noka ye e phatsago motse ka bogare e tswelela bohlaba tsatsi e theogela ka nokeng ya Lepelle. Noka ye e menoga motseng wo o bitswago Ngwaritsi, monabo wa 70km go tloga mo ga Masemola.

Nkotokwane

Nkotokwane - ke motse wa go ipata le noka ya Lepelle mo tlase ga Setau. Felo fa ke mo go agilego dikgoro tsa Masemola tsa ka mathoko bjalo ba Ramushu.

Ntone

Ntone - ke leina le lengwe la thaba ya Thabampshe

Ntswe-le-Ntlha / Tswana le Ntlana

Ntswe-le-ntlha e tsebja gape ka leina la Tswana-le-ntlhana. Ke leina la thabana ya leswika la ntlha ka moshwa wa tsela ya sekontiri gare ga Mahwibitswane le dithaba tsa Ramushu. Go kwala gore ke ye ngwe ya dithaba tseo go tshollogilego madi a mantshi ge Batau ba hlabana le ditshaba tse dingwe tseo di bego di leka go ba tseela naga le go ba hula leruo ge ba dutse Maroge.

Petsaneng

Petsaneng ke mothopo wa meetse ka lebowa la motse kgaufsi le Mashiadimo.

Phiring

Thaba ya totolo yeo e lego gare ga motse wa Masemola. Mo thabeng ye gona le moshate wa bogologolo le dishego tseo di fepago motse ka meetse. Thaba ye e reilwa ka babina phiri ba puana. Tse dingwe ditiragalo tseo di gopolwago ka thaba ye ke gore ebile sebo ba Masemola ka nako ya ntwa ya lenyora ge ba elwa le Bapedi ba Sekhukhune.

Phothophothong

Phothophothong - ke karolo ya noka ya ngwaritsi yeo e kgabishitjwego ke maswika a magolo a mashweu. Meetse mo letsibogong le ga a pshe. Ka tletlolo ga letsibogo go hlapa basadi fela le mashoboro, mola ka tlase go hlapa banna bao ba bolotsego fela.

Pitjaneng

Pitjaneng - Motse wo o lego ka borwa bja ga Masemola. Ke motse o monyane wo o farafarilwego ke Mashwanyaneng le Maraganeng. Mo motseng wo gona le merako ya kgale ya Bakone, mphato bogologolo ya koma, le mashaledi a dikgoro.

Sediba sa makgame

Sediba sa Makgame - Sediba sa mo tlase ga thaba ya Maleshwane ka mafuri a ba Nkogatse. Sediba se gothwe se reilwe ka mogale wa marumu wa ba Nkogatse yo a tsejago ka leina la Makgame.

Sedumong

Sedumong - ke tshemo ya moshate kgaufsi le thabana ya mohloge. Felo fa gona le leshope la motaga leo le bontshago ekile ya ba leshaka le legolo kgale. Gona gape le maswika ao a ipontshago e le dikgotoriba le lebitla leo go thwego ke la kgoshi ya bogologolo. Ge o ekwa batau ba itheta ba re "re bowa seregane Sedumong" ba shupa felo fa. Leona le gothwe le tlile ka ge ba Masemola ba be bana le dikgomo tse ntshi tseo magoshi a mantshi a bego a di duma. Lehono go agilwe dikantoro tsa maphodisa mo Sedumong.

Segwahleng

Segwahleng - ke thabana ya lekgwara ka bosobela tsatsi kgaufsi le thaba ya Malope. Go kwala gore felo fa e ile ya ba motse pele ga ge mmusho wa hlaolele wa makgowa o ka thuthisha batho. Ba bangwe ba batho bao go gopolwago gore ba dutje mo ke ba Mokete. Mehleng yeno go dirilwe phurutjeke ya go kgatla maswika

Sehlale

Sehlale - ke sediba / nokana ya kgaufsi le Lehwaneng

Sehlabeng

Sehlabeng - ke sefata sa ka gare ga thaba ya Thabampshe mo go be go go dula bagologolo mohla monene. Felo fa go na le merako, lehwana, mabitla a bogologolo le dika tse dingwe tse dintshi. Ka borwa bja mo sefateng gona le diphekamabje tse pedi le magaga a go boifisha

Sekale (2)

Sekale - ke leina la sekolo sa mephatho ya tlase sa mo karolong ya Mahwibitswane

Sehlwaneng

Sehlwaneng - ke mothopo wa meetse ka mo ntle ga motse wa Thabampshe

Sejakwe

Sejakwe - ke sefata seo se bonagalago gabotse ka lebowa bosobela bja Thabampshe, go lebana le Lehwaneng. Go kwala gore ke sefata seo mehleng ya pele se bego se shomishwa ke manaba ge ba hlasela Phiring goba ba tshaba marumu a Batau. Ba Moshikwe le ba Madibaneng le bona kgale ba be ba thiba sefata se ge ba ekwa mokgoshi o galagala Sedumong.

Sekale

Sekale - ke karolo ya motse go tloga Mahwibitswane go fihla kua boema thekisi bjo lehono go thwego ke Apel Cross.

Sepitsana

Sepitsana - Thaba ye nyane kgaufsi le Sepitsi ka moshwa'a noka ya lepelle. Bobedi di kgaogantshwa ke tsela ya sekontiri ya go ya Lebowakgomo.

Sepitsana

Sepitsana - ke thabana ye nyane kgaufsi le Sepitsi ka moshwa noka ya Lepelle.

Sepitsi

Sepitsi - Thaba ya totolo ya ka bosobela tjatji bja motse wa ga Masemola mo go bolailwego Marangrang kgoshi ya Bakone nakong ya dintwa tja difakana. Yena go kwala gore o bolailwe ke koma ya ba Mphahlele. Go a ila go namela ka melekelekeng a thaba ye.

Thabakhwibidu

Thabakhwibidu

Thabakhwibidu

Thabakhwibidu

Thabana Mampholo

Thabana Mampholo - ke thabana ya kgaufsi le sediba sa Mmotong yeo e ilego ya agelelwa ke kgoshi Bapela wo a hlatlamilego Mokwena wa madira

Thabanaswana (2)

Thabanaswana - ke leina la thabana ya mabje a maso yeo e dikanyeditjwego ke dintlo tsa RDP mo go bitjwago Moji.

Thabana Sedibana

Thabana Sedibana - ke thabana ya gare ga mashemo kgaufsi le leope lehwibidu le mothopo wa meetse a letswai wa Lehlaokeng.

Thabanaswana

Thabanaswana (1) - ke leina la sekolo sa mephatho ya tlase seo se agilwego mo Sekale /Apel Cross.

Setau

Setau - Ke thaba ya kgaufsi le Nkotokwane / Lepelle ka letsogong le ngele ge o lebile Tswaing. Mo go agile Poo'mabale le morwarre wa gagwe Shaku morago ga go re ba huduge motseng ge ba palalwa ke go phedishana ka Shebeshebe le kgoshi Mokwena mengwageng ya bo 1600.

Sethubu

Sethubu - ke karolo ya lekgwara go thoma monepenepeng wa Mmaretabane. Felo fa ke gare ga sethokgwa ge o etjwa Pshiring go ba Thabampshe o lebile Tswaing. Basadi ba dithakga ba rata go topa makgolokwane mo go kgabisha makwala mola bashemane bona ba rata go topa matlapana a diragamabje.

Thabampshe

Thabampshe - Ke motse wa ka lebowa la ga-Masemola. Motse wo wa go ikala o na le meshate ya dikgoro tse pedi, elego ya Nchabeleng (Mankotsana) le ya Sefoka (Makanyane).

Thabantsho

Thabantsho - ke sekhutlo sa thaba ya Mmoke mo Moraleng. Setebetebe se se ageletswe ke ba Mokete le ba Nkogatse (ka Magaseng).

Tlhagelong

Karolo ya noka ya Ngwaritsi mo e tshelelwago meetse ke molapo kgwaadi le molapo Potana / sefata sa Makobe. Felo fa ke bohlapelo bja banna le koma. Gona le madiba a o a menogago ka sehla sa pula gomme a kotse ele ruri. Go kwala gore madiba a gona a bolaile masogana a mantshi

Tlolane

#keasela

Tswaing

Tswaing - ke karolo ya motse magareng ga Khulwane le Kgwaripe. Le ke lefelo leo le tletsego mobu wa letswai. Meetse a mobu wo a bidiswa go fihla gwama ka pitseng a fetoga letswai.

Tshehlong

Tshehlong - Ke setebetebe sa tlase ga thaba ya Malope le segwahleng mo go le go le lengwe la mabenkele a kgale a mo ga-Masemola. Mo tshehlong e ile ya ba boema-pese bjo bogoolo pele ga ge go agwa tsela ya sekontiri.

Moraleng

Moraleng - ke thaba ya kgaufsi le Leusu mo go bego go agilwe kgoro ya Moshidi. Ge ba thotha ba e tla mo tlase ba ile ba reya thabana ya leshabashabeng gore ke Moraleng ka ge le yona e be e tletje mehlare ya morala.

Moshikwe

Moshikwe ke thaba yeo e ageletswego ke ba Mokalapa mehleng ya bogologolo

Mphane

Mphane - ke karolo ya Masemola kgaufsi le noka ya Lepelle ka borwa bosobela.

Mmoke

Mmoke - Thaba ya ka bohlabatsatsi bja motse yeo malapa a mafelelo a Moraleng a ipatilego ka yona. Yona le Maleshwane di arogantshwa ke molapo wa Kgwaadi. Motho ge a nametse thaba ya Mmoke o kgona go bona marope a ba Tisana, mphatho wa ba Mokalapa le Moraleng.

Mashwanyaneng

Mashwanyaneng - Motse / karolo ga Masemola ka borwa. Motse wo o setebetebeng se tee le Pitjaneng le Maraganeng. Ke motse wa mathomo o bonago ge lebile Phokwane o sepela ka tsela ya lephefo ya gotswa Malope.

Mmalaneng

Ntlha ya thaba ya Nape, ka morago ga Moshate wa bjale wa Mokalapa. Maswika a mo a tswakilwe ka mmala o moshweu gomme ke ka mo ba rego ke mmalaneng


Mmalaneng, Nape, Ga-Masemola

Mmabodibeng

Mmabodibeng - Sediba sa badimo letsibogong la noka ya Lepelle. Batau ba re sediba se se tletse mehlolo, se kotse e le ruri, ebile ga se nyake tshilafalo. Meetse a gona. A shomiswa ke badumedi go dira ditaelo

Mashiadimo

Megola ya go lala le sethokgwa sa mo tlase ga dithaba tsa ga Ramushu. Leina le gothwe ke segopotso sa ge Bapedi ba ile ba fihla Kgoshi ya bona Mampuru I ka dinako tsa dintwa tsa difakana. Bona ba rile ge ba tshaba madira a Batau ba sia Dimo moo ba boela morago Maroteng. Marope le mabitla ao a sa bonagalago mehleng yeno ke a ba Mamogobo, a ba Mokete, le a bo Tladifologa Moshidi.

Mehlabane

Ke molala wa mobu wa go nona ka moswa noka ya Ngwaritsi magareng ga dithaba. Lesoka le le tletse diphoofolo le mehlare ya dikenywa tsa naga. Mehleng ya bjale badudi ba mmalwa ba dirile mashemo le dirapa tsa merogo.

Megašwe

Thabana - Ke thabana ya kgaufsi le Maditamane gare ga motse wa Pitjaneng le Maraganeng. Ke le lengwe la mafelo so a phophomago ka bohwa bjo re bo tlogeletšego ke bagologolo

Hlahwane

Hlahwane - Thabana ye elego ka bodikela bja sediba sa Matikiring. Yona e farafarilwe ke dihlopha tse pedi tsa kgwele ya maoto elego sa Moraleng Green Tigers F.C le sa Mabopane Red sea.

Mangwako

Mangwako - Ke sediba seo se hwetjagalago kgaufsi le kereke ya St.John yeo e tsebjago ka kereke ya mmago Letuba

Masetlaokeng

Masetlaokeng - Karolwana ya ka Ga Moshidi mo go le go kgoro ya Ntaote.

Kgwaripe

Kgwaripe - Ke karolo ya Masemola / motsana wa gare ga Tswaing le Mmotwaneng ka lebowa la motse ge o lebile Sesesehu. Nokana ye nyane ya Ngwaritsana e elela go kgabaganya motsana wo ka bogare.

kgorwane

Kgorwane - Ke letsibogo la noka ya Ngwaritsi mo go welago koma ya basadi. Mehleng ya pele ebe e le tsela ye kgolo ya dilei le dikariki tsa ditonki le dikgomo.

Kgapuana

Kgapuana - Ke thabana ye nyane kgaufsi le kgapu (lebelela tlhathollo ya kgapu)

Kgapu

Kgapu - ke thaba ya ka lebowa la letamo la Mankgabane. Felo fa go bonagala marope a ba ga Maphutha le dika tsa ba ga Marishana bjalo ka masope, mabitla, le dinalana tsa go sila mabele.